Ramblers Cymru yn lansio partneriaeth efo Trafnidiaeth Cymru
Cydweithredu i gysylltu trafnidiaeth gynaliadwy â chyfleoedd cerdded
![](https://cdn.ramblers.org.uk/styles/xl/s3/2023-01/WCP Barmouth.jpg?itok=_Bhrxxua)
20 January 2023
Teithiau cerdded newydd o gorsafoedd trên
Bydd 'Cledrau, Clebran, Cerdded' yn annog pobl i ddefnyddio gwasanaethau trenau lleol i gael mynediad at lwybrau cerdded newydd sy'n cael eu creu gan Ramblers Cymru ac sydd yn addas i'r teulu, gan ddechrau a gorffen o orsafoedd lleol.
Bydd cyfanswm o 20 llwybr cerdded yn cael eu datblygu mewn 5 gorsaf yn ne Cymru, a 15 yng ngogledd Cymru.
Llwybrau arfaethedig
Mae'r lleoliadau arfaethedig hyn yn ne Cymru yn cynnwys Merthyr i Bentrebach, Bae Caerdydd, Aberdâr, Lefel Isel y Mynydd Bychan (Caerdydd), ac Ynys y Barri. Mae llwybrau ychwanegol llinellol ar gyfer ardal y de yn cynnwys Llandeilo i Barc Dinefwr, a Threhafod i Bontypridd neu Gaerdydd i Benarth.
Mae llwybrau arfaethedig y gogledd yn cynnwys Gwersyllt (Wrecsam), Y Fflint, Abermaw, Caergwrle, Prestatyn, Rhosneigr, Penrhyndeudraeth, Y Drenewydd, Aberystwyth, Penarlâg, Llanrwst, Blaenau Ffestiniog, Pwllheli, Porthmadog, a Chricieth. Gallai llwybrau atodol ychwanegol gynnwys Bae Colwyn, Bangor, a Rhosneigr.
I gyd-fynd â'r teithiau cerdded hyn a Blwyddyn y Llwybrau Croeso Cymru, bydd y prosiect partneriaeth hefyd yn darparu cyfres o deithiau cerdded tywys drwy Gymru, gan ddechrau ym mis Ebrill.
Manteision gweithio gyda ein gilydd
Meddai Hugh Evans, Pennaeth Rheilffyrdd Cymunedol Trafnidiaeth Cymru: "Rydyn ni'n edrych ymlaen yn fawr at lansio'r prosiect partneriaeth hwn gyda Ramblers Cymru, i annog mwy o bobl i fod yn fwy egnïol a defnyddio eu rhwydwaith trafnidiaeth gyhoeddus i gael mynediad at lwybrau cerdded lleol.
"Mae'n bwysig fod pobl yn ymwybodol bod llawer o deithiau cerdded cymharol hawdd y gellir eu cyrraedd gan daith trên syml a chyfle i gael ychydig o ymarfer corff, ymweld ag ardal newydd, a gwella eu lles."
Dywedodd Angela Charlton, cyfarwyddwr Ramblers Cymru: "Rydyn ni'n falch iawn o fod yn gweithio mewn partneriaeth gyda Trafnidiaeth Cymru ar y prosiect hwn i ddatblygu teithiau cerdded. Mae Ramblers Cymru am weld pobl yn cerdded wrth galon cymunedau ac yn yr awyr agored sy'n fwy hygyrch i fwy o bobl.
"Ein gobaith, trwy ddefnyddio ein harbenigedd i greu'r teithiau cerdded hyn o orsafoedd trên y gallwn annog cymunedau i archwilio eu hardal leol ac ymwelwyr i ddod i fwynhau profiad awyr agored cadarnhaol mewn ffordd fwy cynaliadwy.
"Bydd y llwybrau sy'n addas i deuluoedd yn arddangos llwybrau newydd ar draws y rhwydwaith drenau i annog pobl i archwilio mwy o Gymru yn gwario arian ac yn dod â manteision economaidd gyda nhw wrth iddyn nhw ddarganfod y bobl a'r cymunedau ar hyd y ffordd."
Gweithgareddau eraill
Ochr yn ochr â'r teithiau cerdded newydd bydd Ramblers Cymru hefyd yn cyflwyno digwyddiadau adeiladu tîm a gweithgareddau i staff Trafnidiaeth Cymru, gan gynnwys hyfforddiant llwybrau a mapiau a dyddiau gweithgaredd ymarferol i wella mynediad at yr awyr agored mewn cymunedau lleol.
!["null"](https://cdn.ramblers.org.uk/styles/small/s3/2022-07/walkers-on-a-path.jpg?itok=HYJns6mO)
Protecting the Welsh path network
Underfunding of the path network across Wales is leading to increasing reports that it is becoming ...
!["null"](https://cdn.ramblers.org.uk/styles/small/s3/2022-12/RamblersDorset-9249.jpg?itok=62PT-xkh)
8 wins for walking in 2022
The Ramblers achieved a huge amount in 2022. Read about what Ramblers supporters helped make ...
![pembrokeshire coast path with walkers near a cliff](https://cdn.ramblers.org.uk/styles/small/s3/2023-05/Wales-coast.jpg?itok=qKzjVzQR)
Wales Coast Path
Opened in 2012, the stunning Wales Coast Path runs for 870 miles. It offers brilliant walks ...